Rita Admin
المساهمات : 192 تاريخ التسجيل : 24/03/2008 العمر : 37
| موضوع: نصائح للبنات المخطوبات فقط السبت أبريل 05, 2008 9:58 am | |
| مساء الخير عليكم جميعا....
شلونكم شباب وصبايا؟؟
زين خلي ندخل بالموضوع....اليوم جبتلكم موضوع يموت من الضحك.....
احتمال راح تحمض معدتكم من الضحك...(----ايع عيع اوع عوع شنو هاي غير لعبان نفس...هههههههههههه
مراح اطول عليكم...هاي شوية نصائح للبنات الحلوات المخطوبات هع
اريدكم تدعولي زين مو بس تقرون وانشاء الله ميكون الموضوع مكرر يلا نبدي
&&نصائح للبنات المخطوبات فقط&&
اختي العزيزة..اذا الله فك جبستج وعقدتج.. وانخطبتي.. فإليك نصائحي حتى تأخذي بخطيبج من مركب الخطوبة محد يعرف وين راح ترسين بي..يكولون في قفص الزوجية السعيد
(--- اي هواية من دبش(دبش= اخو حبش)
أجمل ما في الخطوبة العزومات الرومانسية .. على أحلى المطاعم واللي عمرج مراح تشوفيها بعد الزواج.. المهم نصائحي الج لمن خطيبج يعزمج اوكي واهم شي هنا عدنا الرقة 1- الأول لازم تعرفين إن الشوكة والسكينة ينلزمون من إيديهم من الطرف يعني مومن الوسط ولا الراس
2- الخبز ديري بالج تفضحينا وتكطعيه بسنونج.. ولا الصمونة تكصيهة بأيدج وكل نص تحشري بحلكج.. انتبهي...الخبز يكطعوا بالسكينة فى الماعون. وبعدين تاخدين لكمة.. لكمة.. بالعافية.. على اساس نفسج مسدودة.. اضغطي على أعصابج جدااا وبعدين لما تروَحين.. عود حشي بحلكج اكل براحتج... .
3- الشوووربة.. أبوس جعب رجلكم يابنات.. بند الشوربة مهم جدًاااا.. الشوربة تنشرب بدون صوت. . وبلا متنفخين عليها..جنكم واحد اصبعة احترك وكعد ينفخ علي هع.. وطبعــاً اريدج تنسين تمامًا.. الكاسة الي تشربين من حلكها بالبيت وطشطشين الشوربة على هدومج انسي قابل حتى بالمطاعم تاخذون دراعة وياكم لا بابا لا عيب ... بالمعلقه وبدون صوت حارة تسمط الشوربة ماريد صوت.. وعوفي ربع الكاسة على الاقل.. مو تنسفيها نسف.. الا ان تلهطين اخر نقطة منها.....
4- التمن طبعاً .. يناكل بالشوكة.. ديري بالج تمدين ايدج على الخاشوكة وتاخذين تمن من البلم..ابد ديري بالج.. التمن بالجنكال ينأخذ.. وكأنج دتبوسيه مو تاكلي..
5- المعكرونة.. الاسباكتي..همين بالشوكة.. تتلفلف على طرف الشوكة.. لحد ما تخلص وبعدين تحطيها بحلكج من غير صوت.. مو تشفطين المعكرونة وحدة وحدة...
6- السمج.. مشكلة.. شوفي.. تفصلين اللحم عن العظم.. شلون..؟؟ تكطعين اللحم من النص.. بالطول وبعدين تفردين اللحم على الجانبين ولمن تخلصين جهة.. مو تكلبن السمجة.. لتفضحينا.. شيلي العظم اللي صاير مثل سلسلة بالشوكة والسكينة وحطيها بصف الماعون وكملي أكل النص الثاني.. وابدال الفيلم الهندي هذا.. نصيحة.. لتاكلين السمج ويا خطيبج ابد.. كولي ماحب السمج وخلاص... اريحلج يمعودة
7- الدجاج.. -إذا تعرفي-.. أول ميجيبون ماعون الدجاج.. باوعي عليه بتقزز واحتقار شديدين.. على ساس يعني لعبت نفسج من كثر مماكلة منة بيت بابا.. وجري نفس قوي وكولي.. اهوووووو همينة..؟؟؟ وبعدين كطعي.. للدجاج.. بالشوكة.. واني بعرضكم انسو المصمصة مال العظام.. 8-الفاكهة.. اذا جان بيها نوة.. طلعيه من حلكج على كيفج وحطيه بإيدج وهي مقفولة.. وبعدين بالنفاظة مال الجكاير اللي موجودة على الميز.. وانسي نظام التفتفة احنا مو بالبيت 9-ولمن تخلصين أكل تحطين إيدج على بطنج.. -اللي عصافيرها بعدها تصوصو من العينات اللي اكلتيها ههههههه وتكولين لا ما ممكن هيج يصير بية.. اني عمري مانفجعت اكل مثل اليوم.. اني بعد منا لاسبوع كامل مراح اكدر اكل وبعدين تلزمين المنديل او الكلينكس اللي دائما موجود على الميز بلا فايدة.. وتبوسي.. يعني على اساس دتمسحين حلكج وبعدين تستأذنين منه لدخول التواليت حتى تصلحين المكياج.. وتفوتين للتواليت وطلعين من الجنطة مالتج.. لفة الكباب او شوف ماما شمسوية واكليهة الف عافية .. | |
|
steven_alqoshi best member
المساهمات : 213 تاريخ التسجيل : 28/03/2008
| موضوع: رد: نصائح للبنات المخطوبات فقط السبت أبريل 05, 2008 12:30 pm | |
| يسلمووووووووووو ريتو على النصائح لوول
عاشت ايدج يا مميزة
دومج مبدعة تحياتي | |
|
Rita Admin
المساهمات : 192 تاريخ التسجيل : 24/03/2008 العمر : 37
| موضوع: رد: نصائح للبنات المخطوبات فقط السبت أبريل 05, 2008 1:32 pm | |
| - steven_alqoshi كتب:
- يسلمووووووووووو ريتو على النصائح لوول
عاشت ايدج يا مميزة
دومج مبدعة تحياتي شكرا على مرورك ستيفو | |
|