قصيدة بمناسبة عيد الام

قال رسول الله عليه وسلم

(( الجنه تحت اقدام الامهات))
صدق رسول الله

ها قد اقتربت ايام عيدك أيتها الام

عيدُ العيد
عيدٌ لمن لم يعرف من الحياة الا التضحيه
عيدٌ لمن لم يذق من الدنيا الا طعم الصبر
عيدٌ لمن لم يأخذ من الزمن الا الحزن

عيد الأم
أمي ...
فديتكِ بعيوني
ووهبتك عمرى
ورخصتُ لكِ حياتي
فلم اكن منصفا معكِ
اترككم مع كلماتي التي لا تليق بمقامِ امهاتنا ولا ترتقي لمستوى عفتهن

*
*
*

أمي كلمه ... 3 حروف

اكبر من الكون كله
أمي جنه ... وأمي نار تصير لو بردت الدله
أمي متعلمه على ثوب الحزن لا ما تمله
أمي ما تحتاج صبرا والصبر بيهه يتحله
أمي غيره أمي مقياس الشرف والخير كله
أمي نجمه
أمي نسمه
أمي همّه
أمي قمّه

امي الله
وصّه بيهه ... بالكم ديروا عليهه
تا يظلكم يوم لا ظل الا ظله
امي چن بغداد تشبهه وعليهه ابد ما تعرف مذلّه
امي وي بغداد للخنساء قبله
وصلوا الي ما أبد واحد وصلّه
امي وي يغداد بالتاريخ شدّن اسم اتحدّه اليفلّه
واحد يضل العراق وما يصير لغير اهله
*
*
*
*

امي مو بس اقصد امي
امي كل طيبه وشريفه بهالبلد
رخصت لجل الوطن مال او ولد
امي ما ننسه فضلهه للابد
امي من عدهه فقط نطلب مدد
امي آيه كرسي تحمي من الحسد
امي يعرفهه السأل عنهه ونشد
شما حچيت القافيه تگلي بعد
امي بالشدّه تصير النه سند
امي بالكونه تريدني اسد
هذا من عدنه الچ يمه وعد
ما يضل بهالوطن محتل وغد
لا ما يضل بهالبلد محتل وغد

*** *** *** *** ***
*** *** ***
***
*

اللهم اطل اعمار امهاتنا
اللهم احطهنّ واحرسهنّ بعينك
اللهم ادم عليهنّ الصحة والعافيه
اللهم اقرّ عيونهنّ بنا وافرح قلوبهنّ بأعمالنا
اللهم آمين
العراقي الاصيل

موضوع: مقصرت ياغالي الجمعة مارس 28, 2008 10:53 am

اترككم مع كلماتي التي لا تليق بمقامِ امهاتنا ولا ترتقي لمستوى عفتهن

اي كلمة متوصف معاناة الام وحبها لاولادها
كل شيء قليل بحقها
شكرا مصطفى مقصرت

best member المساهمات : 213 تاريخ التسجيل : 28/03/2008

يسلمووو حبي عاشت ايدك وكل عام وكل المهات بالف الف خيرررررررررررر

مشكوورين شباب وصبايا على مروومكم الحلو هلا والله منوريناا بوجودكم وياانه.

»-(¯`(¯`العراقي الاصيل ´¯)´¯)-»